Менувањето на кеса во корпата за отпад е нешто што сите го правиме и навистина е тешко да се замисли дека поради тоа некој може да стане хит на социјалните мрежи.
Но, на ова дете токму таа секојдневна домашна активност му донела слава на интернетот. Тој има свој начин на менување на кесата за отпад, кој ретко кој го користи, а всушност е многу практичен. „Учете од мајсторот за корпи“, е описот на снимката.
Наместо да ја „бутка“ кесата директно во кантата, па рабовите да ги извлече надвор, ова момче само ја става кесата за отпад на рабовите, а потоа едноставно ја бутка внатре.
Снимката која е објавена на „9GAG“ за само половина минута собрала околу 90 илјади прегледи и неколку илјади лајкови. „А бев горда што имам диплома“, „Светот од денеска е поинаков“, „Погрешно правам сите овие години“, биле само некои од коментарите под објавата.
