Претседателот на Русија, Владимир Путин, пред неколку дена присуствувал на свечената церемонија “Волонтери Русија 2018”, на која на млади активисти им се врачувале награди.
На интернет се проширила симпатична снимка од дете кое успеало да го замоли претседателот за “селфи”, но, во моментот кога Путин се подготвил за сликање, телефонот закочил.
Неизвесноста на детето ја прекинале останатите волонтери, кои веднаш влегле во групното селфи со претседателот.
Иако малку разочаран што нема фотографија на која е само со него, детето сепак успеало да се фотографира со Путин.
Првиот човек на Русија ужива голема популарност во Русија, како кај постарото населението, така и кај младата популација, кои често сакаат да се фотографираат со него.
