Претседателот на ДИК, Оливер Дерковски на денешната седница ги соопшти конечните резултати од предвремените парламентарни избори
Коалицијата „Можеме “ освои 46 мандати, Коалиција на ВМРО-ДПМНЕ за обнова на Македонија -44 мандати ,ДУИ- 15 МАНДАТИ, Алијанса за Албанците и алтернатива- 12 мандати, Левица -2 мандати и Демократска партија за албанците освои 1 мандат.
-Од февруари месец наваму во еден пет месечен период ДИК беше во интензивни активности за организирање на предвремените парламентарни избори. Можам да кажам дека за прв пат соочени со избори во услови на пандемија, првиот ден помина одлично, вториот ден исто така без забелешки иако имаше пријавено поголем број за гласање од дома, и третиот ден организационо помина добро.Она што се случи на денот на изборите, сведоци сте дека беше напад од надвор, и тоа го потврди и ОЈО и постапува по случајот и тоа никако не може да се поврзе со резултатите затоа што тоа е посебен процес и не може никако да се поврзи со – изјави Дерковски на седницата на објавувањето на резултатите.
Со усвоениот записник од денешната седница е завршен избирачкиот процес, а уверенијата за освоените мандати ќе бидат врачени на свечена седница во Собранието.
