Чикаго ја доби првата афроамериканска градоначалничка Лори Лајтфут која отворено се декларира како геј и е целосно „нов играч“ во политиката.
Лајтфут победи на локалните избори откако им вети на граѓаните на еден од најголемите американски градови дека ќе воведе реформи, ќе го среди градскиот буџет и ќе му стави крај на криминалот.
Со таа програма, таа доби предност од речиси 50 проценти пред долгогодишната политичарка Тони Преквинкл. И двете кандидатки беа афроамериканки, а Лајтфут после победата вети „нова иднина“ за американскиот град.
„Денес вие влеговте во историјата, направивте цело движење на промени“, изјави новоизбраната градоначалничка на Чикаго.
Lori Lightfoot elected Chicago's first black female mayor https://t.co/9GIbU3jAGa via @upi
— Sharon Elizabeth Bensley (@BensleySharon) April 3, 2019
X-Historic Chicago Mayor run-off, 2 Blk women: Lorie Lightfoot,1st openly gay, beat Toni Preckwinkle="Arc Bending time." Thx MLK, JR & Cand Bern Sanders 4 Civil Rights=open doors.@LGBT @BLM @ACLU @kalanipeamusic pic.twitter.com/ScqsVzjmBC
— Sharon Elizabeth Bensley (@BensleySharon) April 3, 2019
Во Чикаго во текот на минатата година биле забележани повеќе од 550 убиства, а иако таа бројка е помала од претходните две години, сепак станува збор за вртоглава бројка која е и натаму повисока од Њујорк и Лос Анџелес заедно.
Поразената кандидатка Преквинкл после пребројувањето на гласовите, ѝ честиташе на Лајтфут и ја поддржа.
„Не така одамна беше незамисливо две афроамериканки да бидат во трка за оваа позиција. Иако делува дека ние две сме на поинакви колосеци, од вечерва се движиме само напред по истиот пат“, порача Преквинкл после изборите.
