Португалскиот фудбалер Кристијано Роналдо не можеше да игра против Барселона во Лигата на шампиони бидејќи сè уште е позитивен на коронавирусот, иако е без симптоми.
Роналдо се заразил со Ковид-19 уште пред две недели на собирот на репрезентацијата, а за позитивниот тест дознал по натпреварот против Франција.
Славниот напаѓач на Јувентус честопати објавува фотографии и снимки од изолацијата, а пред натпреварот против Барселона објавил нова фотографија и во коментари напишал:
„ПЦР тестот е с*ање“, по што набрзо го избришал коментарот, но неговите фанови го забележале.
Do il benvenuto nella nutrita schiera dei virologi al collega Cristiano Ronaldo. Sarà utilissimo nella prossima partitella contro gli oculisti. pic.twitter.com/oKhmVcPSfx
— Roberto Burioni (@RobertoBurioni) October 28, 2020
Ваквиот коментар на фудбалерот пробуди остри реакции кај медицинските лица, а неодамна јавно го прозва и еден италијански доктор.
„Добредојде за колегата Кристијано Роналдо во нашето друштво на виролози. Добро ќе нѝ дојдеш во идниот натпревар против офталмолозите“, му порачал д-р Роберто Буриони.
Роналдо е еден од бројните фудбалери кои се позитивни на коронавирусот, но речиси сите се враќаат многу брзо на теренот додека тој сè уште не добива негативен тест. Португалецот постојано покажува дека секојдневно тренира за да остане во одлична форма.
