Италијанскиот Институт за економија и финансии Еинауди (EIEF) денеска објави студија која прогнозира дека врвот на епидемијата на коронавирусот во таа земја ќе се случи кон крајот на април.
Истражувачите на EIEF врз основа на податоците на Цивилната заштита, укажуваат дека по врвот, бројот на новозаразени ќе почне да опаѓа.
Тоа, како што пренесуваат австриските медиуми, ќе значи дека и во мај ќе има случаи на новозаболени од коронавирус, но истовремено ќе има и повеќе излекувани пациенти.
Истражувачите дури и пресметале кога ќе престане ширењето на заразата според региони. Најпрвин епидемијата ќе престане во Трентино, односно јужен Тирол каде веќе од 6 април нема да има нови случаи на коронавирус. Потоа следуваат регионите Лигурија, Умбрија, Басиликата (7 април), како и долината Аоста (8 април), а потоа Пуља (9 април), Венето (10 април)…
Во најтешко погодениот регион – Ломбардија, експертите очекуваат крајот на епидемијата да се случи на 22 април, а во Емилија Ромања на 28 април.
Според студијата, во цела Италија повеќе не би требало да има нов број на заразени помеѓу 5 и 16 мај.
