Жената која била во посета на зоолошката градина во Аризона била нападната од јагуар, но по нејзина вина.
Имено, таа се прекачила зад заштитната ограда за да направи селфи со оваа дива мачка.
Женката јагуар ги провлекла шепите преку оградата и ги забила своите канџи во жената која била зафатена со позирање.
Иако ситуацијата не била воопшто безопасна, повредите кои ги добила не се опасни по живот.
Директорот на зоолошката градина, Мики Олсон, вели дека не знае како “како да ги поправи луѓето” кога се работи за вакви ситуации.
Rural Metro has responded to a report of a woman getting attacked by a jaguar at Wildlife World Zoo.
She wanted a selfie ?♂️ is the jaguar okay ? pic.twitter.com/W6hhqOmxtc
— 24/7 HipHop News (@BenjaminEnfield) March 10, 2019
“Овие огради се поставени со причина. Не знам како да ги натераме луѓето да го сфатат тоа”, рекол тој. Олсон потврдил дека истото животно веќе направило сличен инцидент, исто така со лице кое се провлекло зад оградата, но дека немало сериозни повреди.
На снимката се гледа жена која лежи на земја и плаче од болка, а очевидецот Адам Вилкерсон, кој го снимил видеото, раскажал како притрчале да и помогнат на жената.
“Најпрво слушнавме како некој повикува помош, а потоа видовме јагуар кој ги зарива канџите во нејзиното месо”, опишал тој.
Како што додал, јагуарот ја пуштил жената, со оглед на тоа дека канџите му се заплеткале во нејзиниот џемпер.
“Тогаш успеав да ја фатам и да ја одвојам од кафезот”, рекол Адам.
