Откако докторите ѝ рекле дека треба да ја намали тежината, на преглед ѝ била воочена оргомна циста на јајниците, поради што морала да подлегне на операција за да ја отстранат од нејзиното тело.
Кајла Ран Монтгомери од Алабама го раскажа своето искуство откако со месеци страдаше од неопишливи болки, проблеми со стомакот и дебелеење. Оваа 30 годишна девојка имала големи проблеми кои ѝ влијаеле на секојдневниот живот.
“Не можев да одам до колата, а да не останам без здив”, раскажа таа.
Иако по совет на докторите се одлучила да ослабе, таа со години упорно се обидувала, но константно добивала тежина. Дури во еден момент стравуваше кога некои помислиле дека е бремена. Била исфрустрирана, бидејќи луѓето постојано ѝ приоѓале со прашања дали е бремена, во кој месец е и дали чека близнаци.
Кога болката во стомакот била неиздржлива, нејзината мајка презела иницијатива и ја одвела во Брза помош, каде докторите установиле дека таа има огромна циста на јајникот. Била очајна, бидејќи и самата знаела дека нешто не е во ред со неа.
Подлегнала на операција и ѝ била отстранета цистата која била тешка неверојатни 22,7 килограми. Тежината ѝ била еднаква на бременост во која би носела 6 бебиња.
“Ова е една од најголемите цисти кои сум ги видел во животот, а сигурно и најголемата која сум ја отстранил на некоја пациентка. Операцијата помина добро”, рекол докторот Грегори Џоунс.
Цистата на јајниците е исполнета со течност, често се појавува кај жени и симптомите ретко кога можат да се забележат. Во поголемиот дел од случаевите тие самите можат да исчезнат само после неколку месеци без никаков третман. Симптомите се болки во карлицата, чувство на подуеност дури и после лесен оброк, како и потешкотии во зачнувањето.
