Последниот месец кај нас започна таканаречениот втор или продолжение на првиот бран од кризата со пандемијата со корона вирусот. Нашите здравствени власти, кои на почеток од овој втор, или продолжеток на првиот бран како и сами да беа изненадени, а исто така беа на удар на критиките во јавноста.
Но, се покажа дека ваквата состојба не е само кај нас. Нешто слично деновиве почнува да се случува и во нашите соседни земји, пред сите Србија и Бугарија, но и во многу европски држави, како и САД.
Оваа состојба е особено изненадувачка за епидемиолозите и инфектолозите, чии прогнози речиси без исклучок беа дека со доаѓањето на летото и високите температури, природно е вирусот да ослабне, па дури и да го снема. Барем така велеа некои експерти.
Српскиот пулмолог Несторовиќ, пред од прилика еден месец дури изјави дека со вирусот е готово, тој до 6 јуни ќе исчезне во Србија. Таму навистина ситуацијата се смири, но со комплетното олабавување на мерките, сега, на крајот од месец јуни, таа се усложнува.
Инфектологот, проф. др. Вело Марковски важи за човек кој опд почетокот на оваа криза, се залагаше за полабави мерки, со кои би се постигнало колективен имунитет. Тој исто така меѓу првите укажа на ризикот од ставањето на пациентите на респиратор.
И додека за респираторите беше во право, односно, после неколку месеци искуства, не само кај нас, туку и во други држави се покажа дека многу луѓе кои беа на респиратор поч инаа, за другите негови предлози беше остро критикуван од неговите колеги од фелата.
Др. Марковски за Фактор изјави дека според сите досегашни научни сознанија, вирусните инфекции во текот на летниот период се намалуваат.
-Факт е дека сонцето, високиот индекс, односно УВ-зраците ги уништуват вирусите. Тоа го кажуваат сите научни истражувања. Вирусите се заштитени со масни наслаги кои под влијание на високите температури се топат, со што вирусот нема големо разорно дејство.
Затоа и во текот на летото немаме толку голем број на инфицирани.
Но, за ова сега, за да изведеме конкретни заклучоци потребни се навистина многу податоци. Инаку, според тоа што следа, во топлите земји, Катар, Саудиска Арабија, бројот на заразени со корона вирусот е незначителен.
Но, кај нас имаме една друга слика. Повеќе од забележително е дека собирањето на граѓаните донесе вакви резултати.
Можеби и мерките предолго траат па веќе им се смачи, или ја изгубија довербата, но сепак ќе видиме како ќе се одвива состојбата понатаму во земјава, вели др. Марковски за Фактор.
