Маж вооружен со секира држи во заложништво шест деца во стан во предградијата на Санкт Петербург, Колпино, пренесуваат руските агенции.
Извор од безбедносните сили за агенцијата РИА Новости изјавил дека човекот бил пијан, а со полицијата контактирала неговата сопруга, која не можела да влезе во станот.
Полицијата преговара со човекот, но тој досега не упатил никакво барање.
Агенцијата ТАСС известува дека човекот се забарикадирал во станот со децата и дека причина за земање на децата како заложници може да биде неговиот конфликт со сопругата.
Появилось видео из Колпино. Захвативший детей в заложники держит нож у горла ребёнка и орет на полицейских. Он требует не подходить к нему, а привести жену pic.twitter.com/uMU437IzaH
— NEWS.ru (@nws_ru) November 24, 2020
Според некои податоци, човекот е во нарушена состојба и работел во агенциите за безбедност целиот свој живот и има дозвола за огнено оружје, пренесува рускиот портал Вести.
