ДУИ ги нарече албанските опозициски партии подмолни, деструктивни и недостоинствени

497

Недостоинствената, подмолна и деструктивна опозиција, која секој ден ги менува своите ставови и поставува услови само за Албанците, продолжува да стои на приемните шалтери во ходниците на СДСМ и на ВМРО со единствена цел да ги поткопа националните интереси и да ја избегне одговорноста за нивниот длабок пораз.

Вака ДУИ денеска преку соопштение, второ со слична содржина во изминатите неколку дена, ги обвини опозциските партии на Албанците дека не работат во интерес на националните, туку на сопствените интереси.

„Албанците не заслужуваат опозиција без демократски капацитети и без политички морал да сносат одговорност пред гласачите и пред партиските тела“,

се вели во денешното соопштение од ДУИ во кое бараат од овие партии да ја напуптат политичката опозицуска сцена поради поразите на политички план досега на кои ги потсетуваат:

„Изгубивте на парламентарните избори 2016 година, потоа изгубивте на локалните избори од 2017 година, изгубивте и на референдумот затоа што бевте единствени Албанци кои го бојкотиравте референдумот за НАТО и ЕУ, изгубивте на претседателските избори во 2019 година, но и на локалните избори во Дебар  во 2019 година, за конечно да изгубите на парламентарните избори оваа година, додека исто бевте поразени на сите избори кога бевте дел од другите партии од 2002 година“,

посочуваат од ДУИ.

Тие им се обраќаат на лидерите на ови партии барајќи од нив да поднесат оставка.

„Наместо да го напуштите недостоинственото стоење зад вратата и по ходниците на СДСМ и ВМРО со молби до нив, албанските барања да не се реализираат, вие одлучите да ја напуштите заедничката средба на албанските парламентарни партии… ДУИ и Ахмети ќе продолжат со напорите да постигнеме достоинствена опозиција затоа што тоа го заслужуваат опозициските гласачи и албанскиот народ, додека вие ќе бидете запаметени како Албанците кои работеа против Албанците и вечните посетители на ходниците на СДСМ и ВМРО“,

се вели во денешното соопштение од ДУИ.

Пред два дена ДУИ преку соопштение со слична додрѓина како денешното, ги обвини останатите партии на Албанците во земјава дека им ги уништиле преговарачките позиции ним, како на победник и легитимен претставник на Албанците, со тоа што чекаат во ходниците на двете најголеми партии СДСМ и ВМРО-ДПМНЕ за преговори.