Пејачот Џастин Бибер сериозно го сфати Денот на шегата и отишол толку далеку што дури ја налутил и својата сопруга Хејли. Имено, на Инстаграм споделил фотографија од ултразвук на која се гледа бебе и гордо најави дека ќе стане татко.
Обожавателите првично биле воодушевени и му честитале за радосната веста, но потоа сфатиле дека Џастин се шегува по повод 1 април.
“Ова е толку невкусно, ми се гади, навистина ги премина границите со ова. Навистина си болен”, му порачале лутите фанови. Ниту неговата сопруга Хејли не беше воодушевена со неговата смисла за хумор.
“Многу смешно”, напиша Хејли во коментар. Иако го провалија, Џастин не се откажа па објави фотографија од сопругата додека е на гинеколог кој и го прегледува стомакот.
“Ако навистина мислевте дека се шегувам за 1 април, размислете повторно”, напиша Џастин. После неколку часа забава, објавил уште една фотографија од ултразвук, но овој пат на фотографијата имало куче, а не бебе.
“Чекајте малку, па денес е Денот на шегата”, напиша Џастин.
“Ти си будала, сфативме уште пред три часа, не си нормален”, беше еден од коментарите под фотографијата.
