Новиот почеток на Џенифер, официјално ќе започне многу скоро.
Латино дивата Џенифер Лопез, после 4 години врска, а потоа раскинување со поранешниот бејзбол играч, Алекс Родригез, ја обнови романсата со актерот Бен Афлек.
Сè повеќе време поминуваат заедно, а странските медиуми пишуваат дека сега донеле одлука за заеднички живот. Имено, како што пренесуваат медиумите, Џенифер ќе се пресели кај Бен во Лос Анџелес и со тоа ќе започне ново животно поглавје.
Таа наводно ги спакувала работите од луксузниот дом во Мајами и заедно со децата, Ема и Максимилијан (13), кои ги доби во брак со пејачот Марк Ентони, се упатила во Лос Анџелес.
Не е познато кога ќе почнат со селидбата, но извор близок на пејачката рекол дека таа сака Калифорнија да биде нејзин нов дом.
