Фолкерката Џесика Палашоска која домашната јавност ја запозна преку провокативните рефрени “Играј валкано”, “Швалерка”, “Паника” после низата успешни настапи конечно кон почетокот на идниот месец ќе успее да најде време за летен одмор, а своето раскошно и извајано тело ќе го рекламира на некоја од плажите во Шпанија.
“Ова лето го поминав работно и едвај чекам да заминам на одмор. Во принцип сум голем авантурист, многу сакам да патувам , планирам некаде кон почетокот на август да заминам за Шпанија, но се уште ништо не сум резервирала, така што голема е веројатноста и да се предомислам па да го фатам патот до некоја подалечна дестинација”, вели Палашоска која важи за една од најзгодните риби на фолк- сцената.
Инаку, Џесика додаде и дека верува во љубов за цел живот, а како пример на кој се угледува се нејзините родители кои долги години се во идиличен брак.
“Верувам во љубов за цел живот како љубовта на моите родители на кои им се восхитувам секогаш кога ги гледам. И се надевам дека и јас еден ден ќе си ја најдам мојата љубов која ќе трае за цел живот. Се друго, според мене, не е љубов затоа што кога сакате некој за друг нема ниту да помислите. Me привлекуваат силни и храбри мажи со изграден став и свое јас ”, заклучи пејачката.
