Американската компанија која што стои зад друштвената игра “Cards Against Humanity” им се придружи на Демократите и откупи простор во близина на границата на САД со Мексико со цел Трамп да не може да го изгради ѕидот против мигрантите.
Овој потег доби многу критики, но од раководството на компанијата велат дека нивната цел е остварена и дека им е мило што му се спротиставиле на американскиот претседател Доналд Трамп.
„Ако сте гласале за Трамп, тогаш нема што да кажете на овој потег“, изјавија од раководството на компанијата.
Cards Against Humanity buys part of the US border so Trump can't build his wall https://t.co/7nDb8tKVLH
— Susan Dawson (@siouxie_babe) November 19, 2018
Тие го откупиле просторот кој што припаѓа на дел дел каде што се планира да биде изграден ѕидот со кој Трамп сака да го спречи илегалното премиување на границата со Мексико.
„Доколку одлучат да го изградат ѕидот, ќе мора да ја откупат приватната земја која што им стои на патот и меѓу другото, ќе мора да откупат дел од нашата земја. Ние немаме намера да го продадеме“, порачаа од компанијата.
На американскиот претседател неодамна му беа претставени неколку прототипови на ѕидот и веќе траат подготовките за почеток на изградбата, иако кај голем дел од Американците ваквиот потег предизвика остри реакции и осуда.
