Американската крајбрежна стража спасила тројца Кубанци од ненаселен остров во близина на Бахамите, кои биле изгубени 33 денови!
Се работи за жена и двајца мажи, кои, како што се наведува, преживеале хранејќи се со кокос, школки и стаорци.
„Неверојатно е што успеале да преживеат толку долго“, рекол еден од спасувачите.
#UPDATE @USCG rescued the 3 Cuban nationals stranded on Anguilla Cay. A helicopter crew transferred the 2 men & 1 woman to Lower Keys Medical Center with no reported injuries. More details to follow.#D7 #USCG #Ready #Relevant #Responsive pic.twitter.com/4kX5WJJhs8
— USCGSoutheast (@USCGSoutheast) February 9, 2021
Кубанците биле забележани на остров кој се наоѓа помеѓу Флорида Кис и Куба.
За време на редовната патрола, членови на хеликоптерскиот екипаж забележале дека мавтаат со импровизирани знамиња на гребенот на Ангила.
Од хеликоптерот на островот спуштиле радио, храна, вода, а дури другиот ден ги спасиле од лошите временски услови.
#BreakingNews @USCG is assisting 3 people who have reportedly been stranded on Anguilla Cay, Bahamas for 33 days. An Air Station Miami HC-144 Ocean Sentry aircrew has dropped a radio, food and water. More to follow.#D7 #Ready #Relevant #Responsive #searchandrescue #USCG pic.twitter.com/D263ptTarz
— USCGSoutheast (@USCGSoutheast) February 9, 2021
Како што се наведува, не биле повредени, но биле пренесени во медицински центар на Флорида за комплетен преглед.
Таму било утврдено дека дехидрирале и покажувале знаци на замор, но биле во одлична состојба со оглед на тоа колку долго биле препуштени сами на себе.
„Им било тешко, бидејќи немале вода за пиење“, рекол Мајк Алерт, пилот на хеликоптерот.
Тројцата Кубанци им рекле на припадниците на крајбрежната стража дека пред пет недели нивниот брод потонал во бурното море и дека сами допливале до островот. Други детали за престојот на пустиот остров не се познати.
