Јужна Кореја успеала во голема мера да го “победи“ вирусот, а како што знаеме досега таму нема воведен карантин или пак општа изолација – што е единствениот случај во светот.
Раните знаци кон крајот на месец февруари биле алармантни, илјадници луѓе биле тестирани и позитивни на коронавирусот. На врвот на епидемијата забележани биле над 900 случаи во еден ден, но само за седум дена подоцна бројот на заразени луѓе почнал сериозно да опаѓа.
Денес во Јужна Кореја дневно заболуваат само по 10-на луѓе.
Од „Њујорк Тајмс“ наведуваат дека во Јужна Кореја преку употребата на “агресивно јавно здравство“ успеале да ја победат епидемијата. А, сето тоа успеале да го направат без драконски мерки за ограничување на движењето или пак општа изолација како што е случај во поголемиот дел од европските земји.
Корејскиот рецепт гласи: треба брзо да се интервенира, пред развојот на кризата. Корејските власти им наредиле на фармацевтските компании, само една седмица по првиот потврден случај, да почнат да изработуваат тестови за вирусот, давајќи им полна поддршка.
Кореја денес произведува околу 100.000 тестови дневно и во преговори се со 17 земји ширум светот за истите да ги извезат.
Во Јужна Кореја тестирањето се прави во рана фаза, често и сигурно. Тие тестирале повеќе жители од било која друга земја во светот со што дошле до ситуација да можат навреме да ги изолираат сомнителните случаи и набрзо потоа да им укажат помош доколку истите се заразени.
Јужна кореја спровела околу 300.000 тестови што е 40 пати повеќе од САД.
На странските гости во земјата овозможено им е да имаат апликации на мобилните телефони според кои што гледаат дали според симптомите спаѓаат во ризична група од грипот.
Хотели, канцеларии и деловни згради се користат со термални камери за да утврдат дали некој од луѓето има покачена телесна температура, а температурата им се проверува и на гостите пред истите да влезат во ресторан.
Кога некој е позитивен на коронавирсот, следат мерки на дезинфекција, следење на истиот и доколку е нужно изолација на сите луѓе со кои заразениот бил во контакт.
Јужнокорејските власти уште во текот на епидемијата МЕРС развиле алати и вештини за следење на заболените, кои што вклучуваат надзор по пат на безбедносни камери, записи од кредитните картички и податоци од џи-пи-ес уреди на нивните автомобили и мобилни телефони.
Истао така граѓаните за целата таа ситуација се информираат по пат на сцијалните мрежи. Кога некој од заболените од коронавирус некаде се движи, сите останати жители на својот мобилен телефон добиваат информација каде тој човек се движел, па дури и кои автобуси ги користел…
