После половина година од разделбата со вардаровото семејство, Игор Карачиќ, за хрватските медиуми откри дека е сосема различен односот побеѓу Вардар и неговиот сегашен клуб Кјелце.
Кјелце има одлични ракометари и само треба да продолжи. Двата клуба имаат различен менталитет. Вардар е приказна која ќе ја паметам цел живот. Осум години минав во Скопје, оставив дел од себе таму и тоа ќе ме поврзува цел живот. Македонците пишуваа дека ќе живеам таму, но не, патот повеќе ме води кон Мостар. Искрено е дека во Скопје ја најдов љубовта, но тоа не значи дека ќе се вратам таму, како што пишуваа.
Хрватскиот ракометар исто така се присети на последниот Ф4 во Келн.
Се сеќавам на големиот пресврт во полуфиналето против Барселона, иако пресвртот од финалето меѓу Кјелце и Веспрем веројатно нема никогаш повеќе да се случи. Ако верувате, ако немате притисок, тогаш вие сте најсилниот и такви бевме на теренот. Тоа беше преголем притисок за Барселона затоа што ги победивме со гол на Циндриќ пред две години. Мислам дека тој притисок врз Барса се виде во последните 15 минути, кога целата сала се крена на нозе и почна да навива за нас, а потоа се доближивме на минус четири. Тоа беше незаборавно. А, потоа, се пласиравме во финалето, против Веспрем, кој немаше шанси против нас. Бевме толку сигурни дека можеме, едноставно Вардар беше во вистинското светло, додаде Карачиќ.
Карачиќ беше запрашан и за тоа дали ја очекувал МВП наградата.
Никогаш не можете да очекувате МВП награда, но некој го следи, го гледа тоа… Секогаш мислите дека некој друг ќе биде. Ги имавме во тимот Кристопанс, Милосављeв, Стоилов, Дибиров и Скубе… Бевме одличен тим.
На крај тој откри дека му било премногу тешко што го напушта „црвено – црното“ семејство.
Не ми беше лесно да заминам посе сите тие успеси со Вардар, после големата љубој што народот ја покажа. Неодамна се вратив таму со Кјелце, бев пречекан со овации, а тоа се работи што ве креваат до облаци, што ви даваат сила. Пред неколку години Талант Душебаев ме сакаше во своуите редови, но тогаш го одбив и сакав да останам во Вардар. Сега, сепак беше време за промена, заврши Хрватот.
