Француски „Л’Екип“ откри колку загубил Анхел Ди Марија при вчерашниот грабеж, додека тој беше дел од дуелот против Нант.
Домот на аргентинскиот фудбалер беше ограбен, а според информациите на популарниот француски весник, крадците си заминале дома со нешто повеќе од 500 илјади евра вреден накит и часовници.
Според надлежните органи сите членови на фамилијата на фудбалерот на ПСЖ се безбедни. Истрагата е во тек, но засега нема ниту еден приведен и осомничен за немилиот случај.
Моментот кога Ди Марија дозна за оваа случка беше 62. минута од натпреварот на домашен терен. Тогаш спортскиот директор Леонардо побара од тренерот Маурисио Почетино да го извади од игра и да му ја соопшти лошата вест.
За среќа нема повредени, иако првичните информации од Париз беа дека сопругата на Аргентинецот била киднапирана.
