Како би изгледала денес Америка ако наместо Џо Бајден, на мегдан против Трамп излезел Берни Санерс, можеме само да претпоставуваме. Меѓутоа, Сандерс до детаљ ги предвидел моменталните драматични случувања во САД.
Имено, сенаторот од Вермонт, Сандерс, во емисијата на Џими Фалон изнел претпоставки кои сега се покажале како сосема точни.
“Доналд Трамп се обидува да ја поткопа американската демократија и да го потисне гласањето”, рекол тој.
Работите станале страшно точни кога Фалон го прашал Сандерс како ќе тече пребројувањето на гласовите.
“Изборите се на 3-ти ноември а резултатите ќе ги знаеме неколку дена подоцна”, рекол тој.
“Кога мислите дека ќе ги знаеме резултатите?”, прашал Фалон.
Тогаш Сандерс покажал загриженост.
“За ова се грижам. Мое мислење е дека секој глас мора да се преброи…имате ситуации, претпоставувам, во држави како Пенсилванија, Мичиген, Висконсин, каде ќе има огромен број на гласачки ливчиња преку пошта. Држави како Флорида и Вермонт, од лоши причини, нема да можат да започнат со обработка на тие гласачки ливчиња до денот на изборите или можеби до завршувањето на гласањето. Тоа значи дека ќе имате држави кои ќе се занимаваат со милиони гласачки ливчиња. Еве ја мојата грижа: Анкетите покажуваат дека демократите повеќе ќе гласаат преку пошта и дека републиканците на денот на изборите ќе влезат во гласачките кабини. Прво преброени гласови веројатно ќе бидат оние кои се направени на денот на изборите во кабините, односно на републиканците. Би можело да изгледа дека Трамп во 10 часот победува во Мичиген, Висконсин и Пенсилванија, да излезе на телевизија и да каже ”ви благодарам Американци што ме избравте повторно за ваш претседател””.
Сандерс тогаш предвидел дека гласачките ливчиња пратени по пошта ќе почнат полека да се бројат и да растат гласовите за Бајден.
“Но следниот ден сите тие гласови по пошта ќе бидат пресметани и ќе испадне дека Бајден победил во тие држави. Тогаш Трамп ќе каже: Гледате? Ви кажав дека се ќе биде наместено. Ви кажав дека гласовите преку пошта ќе бидат лажирани. Нема да го напуштиме кабинетот”, вели Сандерс.
А како што можевме да видиме, се случи тоа Трамп да води во Мичиген и Висконсин, но на крајот да победи Бајден. Сега се води битка во Пенсилванија каде се пребројуваат гласовите преку пошта.
Трамп веќе повикал на стопирање на броењето на гласовите преку пошта, велејќи дека се наместени.
