Луѓето кои јадат чоколадо барем еднаш во денот биле подобри на тестовите на когнитивни способности од оние кои во него уживаат ретко, покажа една нова студија која ја спроведоа научниците од Универзитетот во Мајн, Универзитетот во Јужна Австралија и Институтот за здравје во Луксембург.
Во студијата објавена во списанието „Апетит“ учествувале 968 луѓе на возраст од 23 до 98 години. Научниците веруват дека редовното конзумирање какао флаванол може да биде еден од неколкуте фактори кои ги објаснуваат когнитивните придобивки кои ги дава чоколадот.
Исто така, тие велат, дека ризикот од зголемен крвен притисок и дијабетес тип 2 е понизок кај оние кои редовно конзумираат чоколадо.
Научниците заклучија дека идните истражувања ќе обезбедат дополнителен увид во поврзаноста на чоколадото богато со какао флаванол и невропсихолошкото здравје и во механизмите кои ги поврзува.
Тие сметаат дека во идните студии ќе биде важно да се истражуваат оптималните колични на конзумриање чоколадо за краткорочни и долгорочни ефекти.
Наместо злогласното полномасно млечно чоколадо како добар компромис се чини јадењето црно чоколадо, но не е баш така, предупредува Хелга Струбер од германското Нутриционистичко друштво.
Поголемиот удел на какао значи дека црното чоколадо има повеќе какаова маст отколку класичното млечно иако и се додава помалку шеќер. Со оглед на тоа дека маста од какао, грам по грам содржи повеќе енергија отколку шеќерот, тоа значи дека разликата во количеството калории меѓу црното и млечното чоколадо е всушност незначиелна, објаснува Струбер.
И додека претпоставките за слабеење со црно чоколадо се погрешни, сепак тоа и понатаму е поздрав избор за љубителите на слаткото бидејќи е богато со флавониди кои ги има во овошјето и зеленчукот.
Еден ред црно чоколадо добро дејствува на крвните садови и го намалува ризикот од срцев и мозочен удар, покажаа многу научни истражувања. Меѓутоа, конзумирањето какво било чоколадо во големи количини е нездраво и дебелее, предупредуваат нутриционистите, пренeсува Фена.
