Патрис Евра прави се за да биде во центарот на вниманието. Искусниот 37-годишен лев бек веќе некое време е надвор од фудбалот, но се труди преку социјалните мрежи да го привлече вниманието. Овојпат преку Леонардо Бонучи го „прозва“ Милан…
„Сега се врати насмевката. К*р што ќе играше ЛШ таму“, напиша Евра под фотографијата, алудирајќи на едногодишната неуспешна авантура на италијанскиот стопер на „Сан Сиро“.
Вистина, „Росонерите“ веќе пет години чекаат на враќање во натпреварувањето кое го освоија седум пати, најмногу по рекордерот Реал (13).
Меѓутоа, како што обично се случува на социјалните мрежи, набрзо се јавија навивачите на Милан и го потсетија на 24. април 2007. година.
Манчестер Јунајтед во првиот полуфинален меч го совлада Милан со 3:2, кој во реваншот славеше со 3:0 и подоцна му се одмазди на Ливерпул за освојување на титулата во ЛШ. Таа вечер Кака го постигна еден од најубавите голови во Лигата на шампионите.
Притоа тој ги направи смешни Евра и Хајнце кои се судрија по неговиот „лажњак“, а потоа го совлада легендарниот Ван дер Сар.
„На Евра очигледно уште му се врти во главата од ова“, гласеше еден од коментарите на навивачите на Милан по провокацијата на Французинот. А еве и зошто…
