Лионел Меси беше асистент на единствениот гол кој го постигна Барселона на дербито со Атлетико Мадрид, но исто така изрежира и два дриблинга од кои застанува здивот.
Лео му продаде една одлична финта на Гризман, но многу позабележителен беше лудиот дриблинг во воздух со кој го насамари Фелипе Луис. Аргентинецот изведе неверојатна и несекојдневна бравура крај аут линијата, примајќи ја топката со глава, а потоа спроведувајќи ја истата низ нозете на бразилскиот дефанзивец кој не знаеше што го снајде.
Сепак, оваа фудбалска мајсторија изгледа уште подобро прикажана со едно уникатно видео кое ни ја доловува генијалноста со забавена снимка, а исто така интересно е тоа што и двајцата играчи имаа што да си кажат еден на друг по завршувањето на оваа акција.
