Од почетокот на епидемијата со новот вирус, се чини дека нашиот министер за здравство Филипче се стекна со огромна популарност меѓу луѓето. Тој неуморно со својот тим ја известува јавноста за ризиците и мерките за заштита, како и состојбата со новозаразените и хоспитализирани пациенти.
Целиот народ секојдневно и со огромен интерес го следи на малите екрани и на социјалните мрежи. Од неодамна на неговите прес конференции, меѓу коментаторите беше забележана една негова обожавателка позната како Лиде Лиде, која јавно се изјасни дека има желба да пие кафе со минестерот.
Оваа симпатична покана не остана незабележана ниту од новинарите, па во синоќешното интервју на ТВ21, новинарот го праша министерот Филипче дали би излегол на кафе со Лиде Лиде, на што тој одговори дека со задоволство би испил кафе со неа по завршувањето на кризата со пандемијата.
Галама стапи во контакт со таинствената Лиде Лиде и и’ постави неколку прашања.
Галама: Здраво Лиде, вие секако сте интригантна личност која го привлече вниманието на министерот за здравство, како и на целата јавност. Засега за јавноста сте позната како Лиде Лиде. Дали во иднина размислувате да го откриете вашиот идентитет?
Лиде: Назад во иднината мислам дека ќе морам каде и да е.
Галама: Во неколку зборови, како се опишувате себеси?
Лиде: Во три збора: Не ме ограничувај…понатака долго е.
Галама: Дали некогаш сте имале лична средба со министерот Филипче?
Лиде: Полулична…на дистанца од 1 метар и насмевка.
Галама: Колку години имате?
Лиде: За 33 дена ќе правам 93 години што значи време е за борачка пензија…добро де 39.
Галама: Накратко, какво мислење имате за министерот Филипче?
Лиде: Вака од дистанца смиреност, сталоженост, одмереност
Галама: Што е она што најмногу ви остава впечаток кај него?
Лиде: Насмевката од милион долари.
Галама: Какво кафе би пиеле на средбата со него?
Лиде: Ладно макијато стриктно до 13 часот…после ми влијае на сонот.
Галама: Дали имате некој омилен локал каде би сакале да го пиете кафето со министерот или изборот ќе му го препуштите нему?
Лиде: Ќе оставам да одлучи министерот…иначе ја би пиела кафе на Филипини хахаха.
Галама: Кои се трите најважни прашања кои би сакале да му ги поставите на министерот?
Лиде: Дали ги има видено видеата за него. Дали купи кафемат Филипс и дали сака лето или зимо.
Галама: Какви се вашите очекувања од средбата, во какво расположение ќе се одвива?
Лиде: Би требало да ми одржи прес во живо па ќе ми ги слуша коментарите.
Галама: Од што најмногу зависи дали ќе има второ пиење кафе со министерот?
Лиде: Зависи од неговите работни обврски и впечатокот за мене.
Галама: Доколку сега ве чита министерот, што би сакале му порачате?
Лиде: Му порачувам почесто да ме дружи и малку поспортски стил да негува и да чува мачки.
