Филипче со апел до граѓаните: „Само со вакцинација ќе успееме да стекнеме колективен имунитет“

548

Министерот за здравство, Венко Филипче, денеска преку својот фејсбук профил апелираше граѓаните да се пријават за вакцинација со цел побрзо надминување на пандемијата предизвикана од коронавирусот.

„Сега е време да придонесеме за побрзо надминување на пандемијата со коронавирусот. Процесот на имунизација е пред нас и само со вакцинација на голем број граѓани ќе успееме да стекнеме колективен имунитет. Пријави се за вакцинација денес“, напиша министерот Филипче на Фејсбук.

Секој кој сака да се вакцинира може да се пријави на vakcinacija.mk.