„Godzilla vs. Kong“ го постави рекордот за време на пандемија, откако филмот на „Warner Bros“ и „Legenday Entertainment“ за викендoт заработи 32 милиони долари, а 48,5 милиони долари во првите пет денa од прикажувањето во американските кина.
Очигледно дека филмот покажува дека луѓето се подготвени да се вратат во кината по една година гледање филмови и серии на „Netflix“ од нивните каучи.
Овој филм исто така е достапен за претплатниците на „HBO“ без дополнителен надомест. Не се знае колку луѓе го погледнале филмот од дома.
Дејвид А. Грос, кој што ја води консултантската фирма „Franchise Entertainment Research“, продажбата на влезниците за викендот ја опишал како „моќна“ со оглед на „сè уште тешките услови“.
Над 50 отсто од кината се отворија, но многу од нив, вклучувајќи ги и оние во Њујорк и Лос Анџелес работат со намалени капацитети за да може да се држат до безбедносните протоколи.
„Иако тоа е половина од тоа што во нормални околности би било, викендот е јасен и позитивен показател дека одењето во кино има својствена сила која што не може да исчезне“, изјавил Грос.
