Фудбалската репрезентација на Македонија за првпат ќе ја има во еден официјален албум за сликички на „Панини“ и колекционерите ќе уживаат, затоа што нашиот национален тим се пласира на Европското првенство (ЕП) кое ќе се игра во месец јуни.
На социјалната мрежа „Твитер“, се појави фотографија од албумот и почна да се шири. Ова е блиц фотографија како изгледа новиот албум за ЕВРО 2020 и кои играчи на Македонија ќе бидат во него.
Во албумот има сликички од амблемот, Столе Димитриевски, Дамјан Шишковски, Егзон Бејтулаи, Висар Муслиу, Кире Ристевски, Стефан Ристовски, Дарко Велковски, Ѓоко Зајков, Езѓан Алиоски, Аријан Адеми, Енис Барди, Ељиф Елмас, Тихомир Костадинов, Бобан Николов, Стефан Спировски, Илија Несторовски, Горан Пандев, Влатко Стојановски, Александар Трајковски и Иван Тричковски.
Албумот на „Панини“ се уште не е пристигнат во Македонија, а вообичаено останатите албуми излегуваа во продажба во последната недела од месец март.
