Инфектологот на калифорнискиот универзитет во Сан Франциско, Моника Ганди објави табела за ефикасност на поединечни вакцини и истакнува дека според клиничките испитувања, сите шест вакцини пружаат стопроцентна заштита од хоспитализација, односно смрт.
Објавената табела го прикажува прегледот на резултати на клиничките испитувања за шесте најпознати вакцини: Модерна, Фајзер, АстраЗенека, Џонсон и Џонсон, НоваВакс и руската Спутник V, пренесува хрватски Индекс.
Okay, took me a long time to make this table (icons and everything) so please appreciate column 6. What protects from severe disease? T-cells! See this lovely article: https://t.co/Z0iwJl6J2s
If virus totally toothless, defanged (Twilight references), vaccinated safe. pic.twitter.com/ZV8hWczp4a— Monica Gandhi MD, MPH (@MonicaGandhi9) February 3, 2021
Членот на владиниот Научен совет на Хрватска, Гордан Лауч ја коментираше табелата и вели дека сите вакцини штитат од тешки облици на коронавирус, хоспитализација и смрт.
– Во оваа таблица прегледно се прикажани резултатите од клиничките студии за различни вакцини. Накратко, сите вакцини многу ефикасно штитат против тежок облик на болеста, што е најважно за граѓаните, вели Лауч, коментирајќи ја табелата.
Тој истакнува дека ништо не е 100 отсто сигурно, па така ниту вакцината.
„Иглата можеби не е совршено стерилна, или сестрата нема добро да го дезинфицира местото на убод па можеби ќе добиете некаква инфекција. Ризикот е еднаков на ризикот кога ќе се набодете на некаков трн во градината. Можеби ќе имате лоша реакција на имуниот систем на вакцината, но тоа со еднаков ризик може да се случи при инфекција со било кој вирус, бактерија, па дури и ако нешто јадете или вдишете“, напишал Лауч на својот фејсбук профил.
Тој порачува дека секој кој ќе добие шанса треба да се вакцинира со онаа вакцина која прва му се нуди.
„Тоа е најдобро што можете да го направите за себеси. Ако се плашите, не мората да се вакцинирате, но тогаш ризикувате да се заразите со ковид-19. И во тој случај најверојатно ќе преживеете, но ризикот е многу поголем“, напишал Лауч.
Тој додава дека ризикот за постарите од 75 години воопшто не е за занемарување, како и за лицата со прекумерна тежина.
