Ако некогаш, додека трае бура со грмотевици, на небото сте виделе објект кој личи на џиновска црвена медуза, не сте халуцинирале, ниту сте виделе вонземјани.
Овој светлосен феномен е всушност е еден облик на гром, односно електрично празнење кое често има црвеникава или портокалова боја, па оттука доаѓа името “црвен виленик”.
За разлика од обичните молњи, “црвените виленици” се јавуваат многу високо, меѓу 50 и 90 километри над облаците, и имаат различни облици и видови на сјај, наведува Европската вселенска агенција.
“Црвените виленици” тешко се фаќаат на камера, бидејќи траат само неколку милисекунди и често не се гледаат со голо око, туку само со посебни камери.
Сепак, фотографот Штефен Хумел, кој е специјализиран за снимање на вечерното небо, на 2-ри јули во Тексас успеал да направи спектакуларна фотографија од овој необичен светлосен феномен.
Хумел за “Business Insider” рекол дека за две години снимил 70 часа материјал и фотографии и “фатил” околу 70 црвени виленици, а половина од нив биле во текот на едно невреме.
Некои од “црвените виленици” имаат облик на медузи или потсетуваат на вселенски брод.
A spectacular image reveals the electrical tentacles of red jellyfish sprite lightning in the skies above Texas https://t.co/52mNNxS1rI
— Science Insider (@SciInsider) August 16, 2020
Ваквите небесни медузи може да бидат големи, а оние кои ги фотографирал Хумел веројатно биле долги околу 50 километри.
“Колку е посилна бурата, поголема е веројатноста за појава на црвени виленици”, рекол Хумел.
