По oбилните дождови, повеќе кумановски села и населби сè поплавени. Како што информираат од општината, се излеа реката Кумановка во близина на населбата Средрека.
Граѓаните од овој дел на градот го информираа Регионалниот центар за управување со кризи со оваа состојба. Водата зафатила повеќе куќи во оваа населба и во соседните улици. Поплавени се и неколку куќи во Долно Којнаре и ул. „Никола Тесла“. Нивото на водата и на реката Којнарка е исто така зголемено, информираат од Регионалниот центар за управување со кризи.
Речиси во сите три општини од Кумановско се излеале реките, вклучително и реката Пчиња која се излеа и поплави дел од куќите во селата Бељаковце, Довезенце и Јачинце.
Од Центарот информираат дека водата е излеана и во селата Доброшане и Супли Камен, а во општината Липково излеана е реката Слупчанка од која поплавени се куќи во Опае.
Поројниот дожд го зафати Куманово вчера пред 15 часот и непрекинато врнеше речиси еден час со силен интензитет и силни електрични празнења.
Фото и видео од порталот Кумановски муабети.
