Пандемијата на коронавирусот негативно влијае на борбената готовност на НАТО силите во балтичките земји – иако не се заразени многу војници, сепак програмата на воените вежби е скратена. Од друга страна, COVID-19 никако не влијаел на руските воени вежби, кои се одвиваат според план во Западниот воен округ, пишува Die Welt.
На социјалните мрежи се појавило соопштение од генералниот секретар на НАТО, Јенс Столтенберг, за тоа дека Алијансата во мај 2020-та година ги повлекува своите трупи од територијата на Литванија, а причината за тоа е големиот број на војници заразени со коронавирус.
Со оглед на тоа дека властите на Литванија од 2014-та година сметаат дека територијата на нивната земја е можна мета на “агресивната политика” на источниот сосед – Русија, соопштението на Столтенберг предизвикало недоразбирања во Вилнус, но подоцна се воспоставило како лажно.
Без разлика на дезинформациите кои се шират, германскиот весник наведува дека здравјето на НАТО војниците e навистина загрозено, што потврдува и примерот на францускиот носач на авиони “Шарл Де Гол”, на кој половина од 2.300 членови на екипажот се заразени со COVID-19.
Во Литванија исто така неколку војници на Алијансата се заразиле од вирусот, а властите се загрижени бидејќи во време на пандемијата НАТО не може да ја гарантира стопроцентната борбена готовност на својот континент. Покрај тоа, постои ризик дека пандемијата задава удар и на мобилноста на НАТО силите, која била под знак прашање и пред кризата, потсетува германскиот портал. Тоа е предизвикано од фактот дека европските земји ги затвораат границите, што спречува оперативно префрлање на трупите од запад на исток.
Според информациите на Бундесверот ,иако бројот на заразени војници во Литванија е мал, активностите поврзани со воените вежби се ограничени.
Од друга страна, германскиот весник наведува дека коронавирусот не влијаел на Русија, и дека земјата не го менувала планот за воените вежби.
“Со оглед на системите PVO S-400, кои се распоредени во Калињинград, системите “Искандер” и новите крстаречки ракети, Русија е во состојба да го блокира воздушниот простор на НАТО, со што драстично би ги намалила можностите на Алијансата за маневрирање. Во случај на хипотетички напад на Русија на балтичките земји, Москва на располагање би имала 27 баталјон на Западниот воен округ, кој брзо може да доведе до состојба на борбена готовност” се наведува во текстот.
Весникот додава и дека токму од таа причина поранешниот командант на американските сили во Европа, Бен Хоџес, ја заговарал идејата за “воен Шенген”, во рамките во кои НАТО силите би можеле слободно да се движат во Европа. Меѓутоа, во време на пандемија, на таа идеја никој не се сеќава, заклучува авторот на статијата.
