Папата Франциско синоќа го изненади светот откако клекна и им ги бакна стапалата на лидерите на Јужен Судан кои претходно меѓусебно војуваа и ги повика да не ѝ се враќаат на граѓанската војна.
Папата на претседателот на Јужен Судан, Салва Кир, на неговиот поранешен заменик и лидер на бунтовниците Ријак Мачар и тројцата потпретседатели им порача дека треба да го почитуваат примирјето кое го потпишаа и да се посветат на формирањето на влада на национално единство идниот месец.
„Ве молам како брат да останете во мир. Ве молам со моето срце, ајде да тргнеме напред. Ќе има многу проблеми, но тие нема да бидат посилни од нас. Решете ги вашите проблеми“, порача папата Франциско.
Потоа, првиот човек на Римокатоличката црква, на запрепастување на јужносуданските лидери, тој клекнал и започнал да им ги бакнува стапалата на двајцата противници и неколку други луѓе во собата.
Инаку, Ватикан деновиве ги собра лидерите на Јужен Судан во резиденцијата на папата да се обидат да ги залечат горките поделби, еден месец пред периодот кога е предвидено во оваа африканска земја да се формира влада на национално единство.
Pope Francis went on his knees to kiss the feet of the south sudanese leaders begging them to surrender the arms for the sake of Peace. We hope this humiliation is not in vain?? pic.twitter.com/v1xJkufhLD
— Ithilebu Robert (@IthilebuRobert) April 11, 2019
Јужен Судан стана независен од Судан во 2011-та година, но после две години во оваа земја изби крвава граѓанска војна помеѓу владата на Кир и бунтовничкото движење на чело со Мачар. Во судирите животот го загубија десетици илјади луѓе и се проценува дека една четвртина од 12 милионската популација на оваа земја се раселени
