Излозите во кои скромно облечените сексуални работнички и работници ги привлекуваат клиентите во Амстердам би можеле да бидат засекогаш затворени.
Градоначалничката на Амстердам, Фемке Халсем, предложила денес на уличките кои го сочинуваат познатиот амстердамски реон “Црвени фенери” повеќе да не се гледаат понудувачите на сексуални услуги, или проституцијата да се премести во некој друг дел од градот.
Халсем рекла дека целта на нејзината идеја е да се заштитат правата на сексуалните работнички, да се спречи криминалот и да се намалат проблемите со локалните жители и компании. Таа планира да се разгледаат четири предлози за иднината на реонот “Црвени фенери” на два состаноци овој месец.
Во септември, градското собрание, исто така, ќе расправа за нив пред проверката на нивната финансиска и правна одрлживост. Најавата на јавните консултации за иднината на реонот во кој се наоѓаат 330 прозори за проституција го означува најновиот обид на амстердамските власти да го исчистат делот од историскиот центар на градот, кој последните години станал многу бучен и пренатрупан магнет за туристи.
Реонот “Црвени фенери” постои со векови во близина на главниот градски пловен канал. Последните години, локалната самоуправа настојувала да го намали бројот на прозори и да го обнови тој реон, но со ограничен успех. Во главно навечер, големи групи на туристи лутаат во ова подрачје, во кое, исто така, се наоѓаат и барови и кафулиња кои продаваат марихуана.
Во соопштението на градските власти се наведува дека за некои туристи сексуалните работнички не се ништо повеќе од атракција за гледање.
