Српскиот тенисер Новак Ѓоковиќ се пласираше во големото финале на Австралијан Опен откако во денешното полуфинале си поигра со Французинот Лукас Пуј кој го совлада со 3:0.
Новак беше огромен фаворит против Французинот за кој многумина се изненадија што дојде до оваа фаза, па на крајот имаше само нешто потежок тренинг.
Ѓоковиќ на самиот старт на мечот му покажа на Пуј дека против него нема што да бара, па првиот сет го доби со 6:0. Во продолжението од мечот Французинот не успеа да се состави на теренот, па и следните два сета Ѓоковиќ ги доби без никакви проблеми со по 6:2 и се пласираше во големото финале.
Тој тамо во недела ќе игра против шпанскиот тенисер Рафаел Надал што за многумина буди спомени од финалето во 2012. година кога овие двајца одиграа еден од најдобрите мечеви.
Без оглед на тоа што Пуј не одигра добар меч сепак треба да му се одаде признание за ова што го направи на турнирот.
За љубителите на тенисот ова секако е најдоброто можно финале со оглед на тоа дека Ѓоковиќ и Надал покажаа најмногу на терените во Мелбурн.
