Покрај анализите на противниците, Ѓорѓевиќ потсетувајќи се на минатото детално го објасни судирот со легендарниот Дражен Петровиќ и неговиот брат Александар. Во јавноста до сега се знаеше дека постоел обид за физичка пресметка помеѓу двајцата кошаркари, но не и деталите зошто се случило тоа по натпревар на Партизан и Цибона во 1989 година.
„Грешни се наводите кои можев да ги слушнав изминативе години дека Дражен и Александар ме тепале мене, туку вистината е дека јас се обидував да ги претепам нив двајца. Го загубивме натпреварот дури по две продолженија, а Дражен мораше да излезе од игра во едно од нив поради пет лични грешки, кои ги направи врз мене. По натпреварот ми се внесе в лице велејќи ми дека никогаш повеќе нема да заиграм за репезентацијата на тогашна СФР Југославија. Потоа се сврте и си замина, а јас тргнав по него навредувајќи го и пцуејќи го. Да не ме држеа цврсти сигурен сум дека ќе го удрев“, изјави Ѓорѓевиќ.
Заканите на тогаш најдобриот европски кошаркар се покажале како вистините со оглед што името на сегашниот селектор на Србија не се нашло на репрезентативниот список за ЕП 1989 кое се одржа во Загреб.
„И од тој момент навистина не заиграв за СФРЈ, дали поради Дражен или нешто друго навистина не знам. Дали тоа беше што некои клинци од Партизан се обидоа да ги изместат од тронот ѕвездите од Цибона навистина не знам, али тоа е вистината“, дополнува популарниот „Сале национале“ потенцирајќи дека во тој период му бил многу лут на тогашниот селектор Душан Ивковиќ поради фактот што не го повикал за настап на ЕП 1989.
