Холивудската глумица Дајен Кругер во ноември минатата година за првпат стана мајка и тоа на 42 години, а во интервју за магазинот Net-a-Porter рекла дека во минатото била премногу себична за деца.
“Долго време не сакав да имам деца, бидејќи бев премногу себична. Кога наполнив 35 години помислив дека можеби сепак сакам да имам дете, но потоа морав да почекам да ја најдам вистинската личност”, вели Кругер.
Пред три години на снимањето на филмот “Sky” го запознала актерот Норман Ридус, ѕвзедата од популарната ТВ серија “Walking Dead”.
“Норман по природа е многу смирена личност и многу ме научи, бидејќи на сопствена кожа ја искуси магијата на родителството”, рекла таа.
Ридус и Кругер во ноември минатата година станаа родители на девојче чие име сè уште не е познато. Сепак, не планираат наскоро да запливаат во брачните води.
“Бракот носи и финансиска сигурност, но јас сум финансиски независна па за такви работи не ми е потребна друга личнсот. Но, никогаш не вели никогаш”, рекла Кругер.
