Видеото на кое дете крши PlayStation стана вирално на социјалните мрежи и веднаш предизвика поделени реакции.
“Татко го присилува синот да го уништи својот PlayStation поради лоши оценки”, пишува под видеото кое налути едни, а воодушеви други. Наводниот татко од снимката објаснил дека неговиот син попрво игра Fortnite наместо да ги пишува домашните задачи, па затоа одлучил да го казни на неконвенционален начин – со уништување на омилената конзола.
Source: Father Forces Son to Destroy PlayStation Due to Poor Grades by ViralHog
“Тоа се нарекува родителство”, “Добра лекција” се само дел од позитивните реакции кои се појавиле на социјалните мрежи. Но, помеѓу таквите се нашле и оние кои сметаат дека таткото претерал, а некој го нарекле и “глупав”, истакнувајќи дека тој веројатно и го платил овој PlayStation.
Инаку, истиот татко привлекол внимание и пред неколку години кога казната за неговиот друг син станала вирална. Тој го прегазил неговиот Xbox бидејќи крадел, а и таа снимка предизвикала поделени реакции.
