Млад брачен пар од Тексас загина во пад на хеликоптер, непосредно откако полетале после свадбената церемонија.
Бејли Акерман Билер и Вил Билер во саботата го кажале судбоносното „да“, па после свадбената церемонија одлетале со хеликоптер, кој што се срушил на околу 135 километри од Сан Антонио во американската сојузна држава Тексас, пренесува „БиБиСи“.
Младенците биле и официјално во брак само еден час пред хеликоптерот да се сруши на семеен ранч во јужен Тексас.
На социјалните мрежи нивните семејства изразуваат сочувство и споделуваат фотографии од венчавката, а за трагедијата се огласиле и од локалниот универзитет каде што брачниот пар студирале.
„Овој млад пар засекогаш ќе остане запомнет по своите топли срца и добрата енергија“, стои во соопштението на Универзитетот „Сем Хјустон Стејт“.
Инаку, во падот на хеликоптерот загинал и пилотот.
