Џенаро Гатусо го прекина 18-месечниот престој на клупата на Милан и си замина од клубот, но на заминување повторно ги натера навивачите на клубот да му симнат капа.
Според договорот му следуваа пет милиони евра отштета, но тој се откажа од нив иако, се разбира, тоа не се малку пари.
„Се откажувам од двегодишниот договор со Милан. Мојата приказна со овој клуб никогаш не била врзана за пари и тоа нема да биде случај ни во иднина“, порача Гатусо.
Парите не остануваат во клубот, туку тој ги подели на своите помошници и луѓето со кои работеше во Милан. Комплетниот износ им го остави на нив како пример за другите тренери кои обично по раскинувањето на договорите си заминуваат со вреќи пари.
