Голот на Елмас со кој го покори Милан

618

Само 10 дена откако со два комада го однесе Наполи во нокаут фазата од ЛЕ, Елиф Елмас е главен протагонист и на дербито на колото во Серија А, кое го реши со еден потег.

Наполи прослави голема победа на гостувањето против Милан од 0:1 и се израмни со росонерите на врвот на табелата, каде Интер им бега со +4.

Мечот го реши бисерот на македонската фудбалска репрезентација, со гол во 5 минута од средбата.

Елмас се местеше на првата статива за да ги изненади домаќините уште на стартот и ги измами Тонали и Ибрахимовиќ кои стоеа до него.

Ова е најбрзиот гол против Милан во Серија А во последните девет години. Браво мајсторе.

Милан во финишот постигна гол, но им беше поништен со ВАР поради офсајд.

Наполитанците избија на втората позиција поради подобра гол разлика од Милан, а во следното коло во среда, последно за годинава, играат дома со Специја.

ПОВРЗАНИ НАПИСИПОВЕЌЕ ОД АВТОРОТ