Новак Ѓоковиќ на 8-ми март ќе влезе во 311-та недела на врвот на „ATP“ листата и ќе стане рекордер!
Најдобриот српски тенисер и моментално првиот рекет во светот, Новак Ѓоковиќ ќе влезе во историјата на ‘белиот спорт’ на 8-ми март оваа година.
Србинот тогаш ќе ја комплетира 311-та недела на чело на ATP листата и така ќе го сруши рекордот кој досега го држеше Роџер Федерер.
⚠ History alert ⚠
🇪🇸 Rafael #Nadal won't play against Italy in @ATPCup
🇷🇸 Novak #Djokovic will exceed Federer's historic record, 310 weeks as ATP No. 1, on March 8 ‼️ pic.twitter.com/rpQeNU3H0C
— TennisMyLife (@TennisMyLife68) February 5, 2021
Ѓоковиќ во овој момент има 12.030 бодови, додека Надал е второпласиран со 9.850, па дури и Доминик Тимот би можел да го загрози со 9.125.
Без оглед што не играл една година, рангирањето на Федерер е ‘замрзнато’ поради новите правила, па тој е на 5-то место и ќе се обиде дополнително да ја подобри таа позиција кога ќе се врати на терен на 8-ми март, токму на денот кога Ѓоковиќ ќе го престигне.
Инаку Ноле првпат на чело на „ATP“ листата бил на 4-ти јули, 2011-та година, па доминацијата траела цела деценија.
Од друга страна, на Надал му требале 500 бодови од овој натпревар за да има теоретска шанса преку Австралија Опен и Ротердам, на 8-ми март да го престигне Новак. Шпанецот има проблеми со грбот, не настапувал на „АТП купот“, а изминативе денови се зборува и за можно пропуштање на Австралија опен.
