Турскиот Министер за одбрана, Хулуси Акар, денес го повторил предупредувањето дека неговата земја нема да се откаже од своите права во Егејското море и Источниот Медитеран, одговорајќи на коментарите на Началникот на Генералштабот на грчката војска.
Акар рекол дека Турција ги преземала сите потребни мерки на претпазливост “да не дозволи никакви игри во Егејското море и Медитеранот”.
“Ги преземаме сите чекори да ја заштитиме нашата татковина. Нема шанси да се повлечеме од правата на нашата држава и на нашите луѓе”, рекол Акар, додавајќи дека Турција се заложува за мир и добри односи со своите соседи, наведува “Еkathimerini”.
Вчера, Началникот на Генералштабот на грчката војска, Евангелос Апостолакис, предупредил дека Грција “ќе го срамни со земја било кој остров на кои ќе стапнат Турските сили”.
“Ако стапнат на некој од островите, ќе го срамниме со земја. И тоа е црвената линија која е прифатена од владата”, им рекол тој на новинарите за време на брифингот во Атина.
Вчера, грчкиот министер за одбрана, Панос Каменос, рекол дека Грција планира да прогласи ексклузивна економска зона околу Кастелорицо во наредните неколку месеци.
