Дејвид Випл од Јута минатата недела на американските медиуми им открил дека поседува хамбургер купен во 1999-та година во Мекдоналдс, кој уште не се разградил и изгледа речиси исто како пред 20 години.
Од популарниот ланец ресторани за брза храна порачуваат дека бургерот, и покрај изгледот, секако дека не е ист како кога бил купен, пренесува “Fox News”.
Дејвид Випл во 2013-та година во џебот од стар капут пронашол хамбургер кој порано го купил во Мекдоналдс. ГО чувал во една конзерва, и со исклучок на краставичките кои сосема се разградиле, месото и лепчето изгледаат речиси недопрени. Како што вели, една воочлива разлика е тоа што хамбургерот сега мириса на картон.
Претставничката на компанијата Мекдоналдс, Ен Кристенсен, во изјавата за Fox News објаснува дека нивните хамбургери, како и секоја друга храна, во услови кои одговараат може да се разградат.
“Но за да се разградат, потребни се одредени услови, посебно влага”, истакнува Кристенсен.
Без доволно влага, или во самата храна и окружувањето бактериите не можат да се развиваат и затоа разградувањето е малку веројатно, објаснува претставничката на Мекдоналдс.
Професорот Доналд Шафнер од Универзитетот Ратгерс за “Fox News” вели дека објаснувањето на популарниот ланец на ресторани е основано на научни факти.
Додава, меѓутоа, дека нема доволно информации за тоа како хамбургерот е чуван сите овие години. Сепак, во одредени околности можно е било кој бургер, а не само тој од Мекдоналдс, да остане вака сочуван, истакнува соговорникот на Fox.
Потсетува и дека хамбургерите во Мекдоналдс се многу печени, со што месото се суши и ги убива повеќето микроорганизми кои би можеле да се разградат. Притоа Јута има сушна клима и многу е можно бургерот целосно да дехидрирал пред бактериите да можат да ја завршат својата работа, вели професорот Шафнер.
Со други зборови, хамбургерот на некој начин е мумифициран, пишува “Fox”.
