Четири американски војници се повредени во Норвешка, каде се подготвуваат за НАТО вежбите, соопштува денес американската војска.
Во инцидентот во кој, како што е наведено, учествувале четири возила, еден војник после кратко хоспитализирање е пуштен, додека други 3 се задржани и се во стабилна состојба.
“До инцидентот дошло кога се судриле три возила, а четвртото кое се обидело да ги избегне излетало од патот и се превртило”, соопштуваат од информативниот центар.
Како што се наведува, војниците се наоѓале во товарните камиони кои превезувале во Конгенс Грув, каде се одржуваат најважните вежби за НАТО во последните неколку години.
Во тие вежби учествувале околу 50.000 НАТО војници и војници од земјите партнери, 250 авиони, 65 чамци и околу 10.000 возила.
Вежбите ќе се одржуваат од 25 октомври до 7 ноември во централна и источна Норвешка и околината на Северниот Атлантик и Балтичкото море, вклучувајќи го Исланд и воздушниот простор на Финска и Шведска.
