Астероидот „99942 Апофис“ е широк 340 метри и ќе пројде на одалеченост од околу 30.000 километри покрај Земјата, со брзина од околу 40.000 километри на час.
Огромен астероид наречен „Бог на хаосот“ за 10 години ќе пројде покрај нашата планета, а неговиот потенцијален удар би можел да има „огромни последици за животот на Земјата“.
Астероидот „99942 Апофис“ е широк 340 метри и ќе пројде на одалеченост од околу 30.000 километри покрај Земјата, со брзина од околу 40.000 километри на час.
Англискиот портал „Експрес“ пишува дека неговиот пат би можел да се промени додека да стигне до нашата галаксија, но шефот на „Спејс икс“ и „Тесла“ Илон Маск вели дека немаме одбрана за него.
Тој напишал дека не е загрижен околу тој конкретен астероид, но е свесен дека еднаш „голем камен“ ќе удри во Земјата, а во тој случај ние немаме одбрана.
За опасностите кои ни се закануваат од вселената, како и за нашата неспособност да ги спречиме, пред неколку години зборуваше и Џозеф Нут, научник од НАСА. Тој рекол дека голем објект од вселената, како астероидот што удри во Земјата и ги уништи диносаурусите пред 66 милиони години, повторно би можел да удри во нашата планета.
Проблемот е што, ако научниците навистина би пронашле таков објект, кој е на пат кон Земјата, не постои нешто што би можеле да направиме за да се заштитиме од ударот и спречиме потенцијално уништување на човечката раса.
Научниците предложиле НАСА да направи летало за пресретнување на вселенски објекти, ако дојде до таква опасност, за да се намали времето потребно за организација на мисијата за спасување на нашата планета и животот на Земјата кога евентуално би се открил таков астероид, наведува британскиот портал.
