Воен хеликоптер кој учествувал во операцијата на НАТО синоќа се урна во водите на Средоземното море, на подрачјето помеѓу Италија и Грција, соопшти канадската војска од чиј носач полетал хеликоптерот.
Грчката телевизија ЕРТ објави дека остатоците од хеликоптерот и едно тело се веќе лоцирани, а се трага по уште петмина исчезнати.
Италијанскиот весник „Кориере дела Сера“ наведува дека хеликоптерот бил надвор од контролната зона на Грција, околу 80 километри од Кефалонија, кога бил изгубен контактот со него.
Defence officials are scrambling following reports a Canadian military helicopter has gone missing while participating in a NATO operation in the Mediterranean Sea. https://t.co/mRyjfIykQO
— Toronto Star (@TorontoStar) April 29, 2020
Хеликоптерите од овој вид главно се користат за лов на подморници, надзор, пребарување и спасување, пренесува Танјуг, повикувајќи се на АП.
Сѐ уште нема официјален податок околу причините за пад на хеликоптерот.
