И тоа се случува во Сибир: Црна мечка во градот брка човек сред бел ден, па ја удри автобус

667

Неверојатна снимка направена во Нижњевартовск во западен Сибир ги оставила сите во шок, а главен актер е мечка која лутала во центарот на градот.

На снимката се гледа како на улиците ѕверот трча по човек кој разговара на телефон. Човекот почнува да бега и тогаш започнува драмата, бидејќи животното почнува да го брка. По кратката потера, човекот ја претрчува улицата, мечката трча по него и во тој момент животното го удира автобус.

За среќа, работата се разрешила позитивно за сите учесници, вклучувајќи ја и мечката. Возилото ја удрило, меѓутоа поради брзата реакција на возачот и добрите сопирачки, мечката не била сериозно повредена.

Набрзо била успана и одведена од тимот за контрола на животни, кој брзо пристигнал на местото на настанот. Според локалните медиуми, мечката не била дива, туку домашен миленик, а сопственикот ја чувал во хотел. Полицијата сега истражува како мечката успеала да побегне и дали нејзините животни услови воопшто биле легални. Наводно во хотелот била пронајдена уште една мечка.

ПОВРЗАНИ НАПИСИПОВЕЌЕ ОД АВТОРОТ