Во вчерашното дерби во англиската Чемпионшип дивизија беа видени неверојатни сцени.
На почетокот од самиот натпревар во десеттата минута, играчот на гостинската екипа Астон Вила Џек Грилиш беше нападнат од зад грб од страна на еден навивач на Бирмингем.
Меѓутоа, младиот фудбалер сепак ќе заборави на овој немил настан.
„Ова ми е најдобриот ден во животот. Го постигнав одлучувачкиот гол со кој и донесов победа на Астон Вила со капитенската лента околу раката. Не верувам дека постои подобра комбинација за навивач на Астон Вила како мене. Секакви работи се случуваат во фудбалот, но ваквите инциденти немаат место на теренот. Меѓутоа, после тоа само продолжив со својата работа и постигнав убав гол“.
Секако потег за пофалба за Грилиш поради неговата реакција на нападот. Младиот Англичанец очигледно созреал откако на почетокот од професионалната кариера беше на удар на таблоидите поради нефудбалски причини.
