„IMDb“ објави листа од 10-те најпопуларни филмови и серии за 2021 година

На листата на најпопуларни филмови оваа година нема ниту една драма или хорор филм, а преовладуваат научнофантастичните приказни за суперхерои.

Првиот најпопуларен филм е „Dune“, новата адаптација на научнофантастичниот роман на авторот Франк Херберт. Дејството во филмот го следи младиот Пол Атреидес, на кого му е доверена заштита на највредните имоти и најважниот елемент во галаксијата.

Филмот оствари голема заработка, а веќе е потврдено снимањето на продолжението во кое ќе се заврши приказната од првиот роман.

На второ место е филмот „The Suicide Squad“ во кој најозлогласените негативци се приклучуваат на тајна мисија за да помогнат да се запрат уште поголемите негативци. Во 2021 година излезе второто продолжение, а дел од првото од 2016 година беше најголемиот противник на Бетмен – Џокер.

Освен овие два филма, преостанатите филмови кои се наоѓаат на листата се „Eternals“, „Mortal Kombat“, „Zack Snyder’s Justice League“, „Godzilla vs. Kong“, „Black Widow“, „Army of the Dead“, „Cruella“ и „Shang-Chi and the Legend of the Ten Rings“.

Слична е ситуацијата и со овогодишните најпопуларни серии. На листата се наоѓаат суперхероите на „Marvel“, но и научнофантастични серии, како и една многу популарна серија базирана на познат љубовен роман.

Оваа година најпопуларна серија на „IMDb“ е мини-серијата „WandaVision“, чие дејство ја следи приказната по филмот „Infinity War“. Во „WandaVision“ се комбинира стилот на класичен ситком и „Marvel“ во кој Ванда и Вижн „живеат“ идеални животи во предградието.

На второ место се наоѓа „Loki“, уште една серија на „Marvel“ чие дејство се одвива по случувањата во последниот филм за „Avengers“ – „Endgame“, а истата доби многу позитивни критики.

На листата на најпопуларни серии се најдоа и „Squid Game“, „The Falcon and the Winter Soldier“, „Bridgerton“, „The Walking Dead“, „Mare of Easttown“, „Shadow and Bone“, „Cobra Kai“ и „Lucifer“.