Берзат, од кое место во Македонија потекнуваш и колку долго си во Германија?
Берзат: Потекнувам од Реканскиот крај и во Германија работам веќе триесет години. Да не претерам ама Германија сум ја свртел надолж и попреку.
Ќе сакаш ли да ни откриеш кој град во Германија е најдобар за работа?
Берзат: Имам работено во многу градови, а се “скрасив” во Минхен. Инаку сум “корнетџија”, правам и ги снабдувам слаткарите со корнети.
Зошто е важно да го изберете вистинскиот град за работа, зошто во Минхен поминува угостителство, а во Келн или Хамбург не поминува? Епа еве вака:
Минхен е град со околу 3.5 милиони жители. Тоа е отприлика како две Македонии. Во Минхен доаѓаат луѓе од цела Европа за бизнис. Но што е важно за нас балканците?
Минхен е еден од најголемите пазари во Европа за половни возила. Рамо до рамо со Минхен за овој бизнис се и половина милионските Штудгарт и Дизелдорф.
Во близина на Дизелдорф, во градот Есен се наоѓа најголемиот пазар за половни автомобили во Европа за половни возила.
Веќе овде, присутни се луѓе и од Азиските држави, кои исто така работат со половни автомобили.
Е сега, каде што се Балканците, таму поминува и Балканската кујна. Па така, во овие градови ви препорачувам да отворите ресторан, сендвичара, слаткарница, исклучиво со специјалитети кои асоцираат на Балканскиот полуостров.
Германците се особено прочуени по нивните колбаси и се сметаат за големи љубители на пиво, но верувајте и тие полудуваат по нашите специјалитети, особено нешто домашно и автентично, како сармите на пример.
Каква друга работа може да се најде во Германија?
Берзат: Во Минхен и општо во Германија, исто така, многу лесно може да се најде и работа во градежниот сектор. Но морам да ви напоменам, Германците гледаат да ви ја дадат најгнасната работа!
Во секој случај, оние кои ги бива за гипсерај, молерај, паркетари, водоводџии, струјаџии, добро ќе поминат и ќе заработат.
Поради огромниот број на нашинци, овде лесно ќе најдете да делите стан со уште некој и трошоците за сместување ќе ви се сведат на минимум. Храната во маркетите е само малку поскапа од кај нас, така, да, може добро да се заработува
